Plantun de Prouvènço

Pèr coumpara dos planto d'encò nostre

Oxalis acetosella & Potentilla crantzii

Pan-de-cougiéu

Oxalis acetosella

Oxalidaceae

Àutri noum : Pan-de-couvènt, Pan-de-couguou, Pan-de-couènt, Crousadello, Pascalo.

Noms en français : Oseille des bois, Surelle.

Descripcioun :
Lou pan-de-cougiéu trachis en tapis dins li bos fres e umide de mountagno. Se recounèis à si fueio di tres fuioun en couor e à si pichòti flour clinado en campano blanco e veinado de roso. Flouris pèr Pasco (Pascalo).

Usanço :
Es uno planto manjadisso en ensalado o cuecho (soupo, oumeleto...). Douno un bon goust acide. Pamens faudrié pas trop n'en manja malodi l'acide óussali (graviho dins li ren). Lou pan-de-cougiéu se manjo en mountagno à la sourtido de l'ivèr pèr reviscoula lou cors. Èi couneigu peréu pèr sougna lis acamp de la bouco o dóu cors. Èi tambèn richo en vitamino C.

Port : Erbo
Taio : 3 à 12 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Oxalis
Famiho : Oxalidaceae

Ordre : Oxalidales

Coulour de la flour : Blanco
Petalo : 5
Ø (o loungour) flour : 12 à 20 mm
Flourido : Printèms

Sòu : Si
Autour basso e auto : 0 à 2200 m
Aparado : Noun
Abriéu à jun

Liò : Bos fres - Bos umide
Estànci : Mountagnard à Subaupen
Couroulougi : Bourealo
Ref. sc. : Oxalis acetosella L., 1753

Fragoun(-de Crantz)

Potentilla crantzii

Rosaceae

Nom en français : Potentille de Crantz.

Descripcioun :
Lou fragoun-de-Crantz trachis dins li pelouso cauquiero de mountagno. A de fueio di cinq fuioun pelous dessubre ço que douno pas de rebat esbrihant au contro dóu fragoun-daura que ié sèmblo proun. Apoundèn que subretout a pas li fueio bourdado d'uno rego argentado de péu (coume l'erbo-de-la-flaquiero). Coumpara emé lou fragoun-daura. La planto èi proutejido sus listo roujo, categourìo LC, es à dire soucit minour.

Usanço :
Counneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Potentilla
Famiho : Rosaceae

Ordre : Rosales

Coulour de la flour : Jauno
Petalo : 4
Ø (o loungour) flour : 3 à 4 mm
Flourido : Printèms - Estiéu

Sòu : Ca
Autour basso e auto : 1200 à 2800 m
Aparado : Noun
Mai à juliet

Liò : Pelouso de mountagno
Estànci : Subaupen à Aupen
Couroulougi : Bourealo
Ref. sc. : Potentilla crantzii (Crantz) Beck ex Fritsch, 1897 (= Potentilla alpestris Haller f. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Oxalis acetosella & Potentilla crantzii

ges

Coumpara Pan-de-cougiéu emé uno autro planto

Coumpara Fragoun(-de Crantz) emé uno autro planto